Gwasanaeth Cyhyrysgerbydol Integredig yn y Gymuned

Beth yw Gwasanaeth Cyhyrysgerbydol Integredig yn y Gymuned

Drwy ddatblygu rhwydwaith cydgynhyrchu, mae tîm cyhyrysgerbydol Bwrdd Iechyd Caerdydd a’r Fro wedi datblygu ystod o raglenni wedi’u lleoli mewn cymunedau sy’n cefnogi pobl i wella eu hiechyd mewn ffyrdd sy’n bwysig iddyn nhw. Mae nodi anghenion dysgu a datblygu sgiliau staff sydd wedi’u cofrestru a rhai sydd heb eu cofrestru wedi cael effaith sylweddol ar eu lles a’u galluogi i gael effeithiau cadarnhaol ar y system ehangach, gan ostwng rhestrau aros, nifer y cysylltiadau gydag arbenigwyr a chostau ariannol wrth gefnogi hunanofal ac annibyniaeth yn y gymuned.